Payong Kaibigan

Minamaliit pagkat kapos sa karangyaan Nagmumukhang tanga dahil sa kaalaman ay kinulang Nababahag ang buntot at kinakapos sa tapang Nagngingitngit sa galit dahil ikaw ay nasasapawan Ganda'y walang ningning dahil sa pormahan ay napag-iiwanan Mapasama sa lakaran ay suntok sa buwan Di mapansin dahil sa kagalingan ay salat At sa listahan ng mga sikat ika'y di nabibilang Tatahimik ka na lang ba't magpupuyos sa isang tabi? Iangat mo ang iyong sarili! Marahil agad iyong sasabihin "Madaling sabihin, mahirap gawin" Subalit wag sanang mamasamain Kapag pagkatao na'y naaapakan, Di man magandang pakinggan, Ang payo ko sa iyo kaibigan, Idaan mo sa yabang!